السبعین اسکوائر پر لاکھوں یمنیوں کا اجتماعی+ تصاویر

یمن کے لاکھوں افراد نے یمن کی اعلی سیاسی کونسل کے حق میں مظاہرہ کر کے اپنی بھرپور حمایت کا اعلان کیا۔
المسیرہ ٹی وی چینل نے گذشتہ روز جمعہ کو اعلان کیا کہ لاکھوں کی تعداد میں السبعین اسکوائر پر لوگوں نے اجتماع کیا اور یمن کی اعلی سیاسی کونسل کے حق میں نعرے لگا کر اپنی حمایت کا اعلان کیا ہے۔
اس اجتماع کا مقصد یمن کی اعلی سیاسی کونسل کی تائید تھا تاکہ وہ ملک میں حکومت تشکیل دیں اور ملکی امور کو اپنے ہاتھ میں لیں۔
یمنی کی اعلی سیاسی کونسل کے سربراہ صالح الصماد نے اس جم غفیر کو سعودی اتحاد کی شکست سے تعبیر کیا اور کہا کہ وہ ممالک جو سعودی عرب کے ساتھ یمن میں دو سال سے زیادہ عرصے سے جاری جنگ میں شریک تھے ان کو اس وقت انتہائی شکست کا سامنا ہوا ہے یمن کے لوگ مضبوط پہاڑ کی طرح دشمن کی سازشوں کے مقابلے میں ڈٹے رہے اور آخر کار انہیں کامیابی نصیب ہوئی۔
انہوں نے کہا: اعلی سیاسی کونسل یمن کے عوام کی کونسل ہے اور ان کی تمام مشکلات کو دور کرنے کی کوشش کرے گی۔
انہوں نے مزید کہا کہ دشمن کو جان لینا چاہیے کہ یمن میں اعلی سیاسی کونسل کو عوامی حمایت حاصل ہے اور ہم دیگر پارٹیوں کے اتحاد سے آئندہ چند دنوں میں حکومت تشکیل دیں گے۔
صالح الصماد نے کہا کہ انصار اللہ سوائے صیہونی حکومت کے تمام ہمسایہ ممالک کی طرف دوستی کا ہاتھ بڑھاتی ہے۔
واضح رہے یمن کی اعلی سیاسی کونسل دس اراکین پر مشتمل ہے جس میں نیشنل کانگرس پارٹی کے پانچ افراد اور تحریک انصار اللہ کے پانچ افراد شامل ہیں۔

f3ccdd27d2000e3f9255a7e3e2c48800_125156005c5baf40ff51a327f1c34f2975b_227fe5df232cafa4c4e0f1a0294418e5660_7178cda81fc7ad906927144235dda5fdf15_91630e62fddc14c05988b44e7c02788e187_55164b8299d1597b8a5c7b9cb9c88642f6c_933

ابنا

Leave a Reply

Your email address will not be published. Required fields are marked *