بحرین؛ شیخ عیسی قاسم کی حمایت میں لاکھوں کا اجتماع، لبیک عیسی قاسم کے نعرے سے گونج اٹھا بحرین

بحرین کے دسیوں ہزار لوگوں نے آیت اللہ شیخ عیسی قاسم کے گھر کے باہر اجتماع کر کے’’ لبیک عیسی قاسم‘‘ کے نعرے لگا کر اپنی دفاداری کا ثبوت دیا۔
رپورٹ کے مطابق تین لاکھ بحرینی عوام نے الدراز قصبے کی سڑکوں پر شیخ عیسی قاسم کے گھر کے باہر اجتماع کر کے حکومت مخالف نعرے لگائے اور آل خلیفہ حکومت کی جانب سے جاری لوگوں پر ظلم و تشدد اور ناجائز گرفتاریوں کے خلاف احتجاج کیا جبکہ شیخ عیسی قاسم کے ساتھ اپنی پوری وفاداری کا ثبوت دیا۔
واضح رہے کہ حکومت آل خلیفہ نے چند روز قبل آیت اللہ شیخ عیسی قاسم کی شہریت کو منسوخ کیا اور اس کے بعد اب اس ملک کی عدالیہ نے انہیں عدالت میں حاضر کئے جانے کا حکم صادر کر دیا ہے۔
ادھر سکیورٹی دستوں نے دو روز قبل اس ملک کے ایک اور بزرگ عالم دین شیخ محمد جواد الشہابی کو گرفتار کر کے نامعلوم مقام پر منتقل کر دیا ہے۔
اطلاعات کے مطابق تاہم اس ملک کی حکومت نے ۹ علماء کو مختلف بہانوں سے جیلوں میں بند کر رکھا ہے۔

بحرین کے مظلوم عوام کئی سالوں سے مسلسل اپنے حقوق کی بازیابی کا مطالبہ کر رہے ہیں جبکہ حکومت بجائے ان کے حقوق دینے کے انہیں ظلم و تشدد کا نشانہ بنا رہی ہے۔

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.